Burimet e të dhënave

Të dhënat që përdorim vijnë nga burime publike dhe të hapura. Kjo faqe shpjegon çfarë gjendet ku dhe me çfarë kufizimesh. Për mjetet me të cilat i përdor, shih Të dhëna & regjistra zyrtare.

Burimet kryesore

Burimi	Çfarë ofron	Licenca / kufizim
OpenStreetMap	Kufij të zonave të mbrojtura, rrugë, ujëra	ODbL; cilësia varet nga kontribuesit
Protected Planet / WDPA	Baza globale e zonave të mbrojtura	Kushte të veçanta për ripërdorim
GBIF	Vëzhgime të specieve	Licencë për çdo grup (CC0, CC-BY, CC-BY-NC)
IUCN Red List	Statusi i rrezikut të specieve	Kushte përdorimi të IUCN
Ramsar Sites Information Service	Sitet Ramsar dhe fletët e tyre	Publike
Key Biodiversity Areas	Zona kyçe të biodiversitetit	Kushte të veçanta
Natura 2000 Viewer	Rrjeti i BE-së	Publike
UNESCO World Heritage	Vende të Trashëgimisë Botërore	Publike
Wikidata / Wikipedia	Përshkrime, lidhje, figura	CC0 / CC-BY-SA
Regjistri Kombëtar i Trashëgimisë Kulturore	Objekte kulturore	Sipas institucionit
Portalet e institucioneve (ministritë, agjencitë)	Leje, VNM, raporte, plane	Sipas institucionit

Tri parime

• Burim, datë, licencë

  Çdo të dhënë e shoqërojmë me të tria.

• Kufizimet thuhen hapur

  Kur të dhënat janë të paplota ose orientuese, e themi.

• Pa përzierje

  Kufijtë zyrtarë nuk përzihen me ata të hartuar nga komuniteti pa etiketim.

Kufizime të njohura

• Kufijtë e OSM mund të mos përputhen me aktin ligjor të shpalljes.
• GBIF pasqyron ku janë vëzhguar speciet, jo ku jetojnë.
• Të dhënat institucionale shpesh janë PDF ose të skanuara; mund të duhet kërkesë formale: Kërko informacion publik.

Si i përditësojmë të dhënat e hartës

Skriptet e depos importojnë zonat nga OpenStreetMap dhe vëzhgimet nga GBIF; shih README-në e projektit për komandat. Licenca: Licenca & atribuimi.